- Hyundai Motor Company-მ UEFA-ს ჩემპიონთა ლიგასთან მრავალწლიანი პარტნიორობის შეთანხმება გააფორმა, რომლის ფარგლებშიც 2026-2027 წლების სეზონიდან ტურნირის ოფიციალური ავტომობილის პარტნიორი გახდება.
- ტურნირი ევროპულ საკლუბო ფეხბურთში უმაღლეს სტანდარტს ადგენს და თამაშის საუკეთესო წარმომადგენლებს აერთიანებს – ეს არის სტანდარტი, რომელსაც Hyundai საკუთარ სფეროშიც უტოლებს თამასას.
- IONIQ 3, რომელიც სპეციალურად ევროპელი მომხმარებლებისთვის შეიქმნა ევროპაში, პირველია იმ ხუთ ძირითად მოდელს შორის, რომელსაც Hyundai ევროპის ბაზარზე 2026-2027 წლების სეზონზე წარადგენს. ის ასევე პირველი ავტომობილია, რომელიც ბრენდს ამ პარტნიორობაში წარმოაჩენს.
ოფენბახი, 7 სექტემბერი, 2026 – Hyundai Motor Company-მ დღეს გამოაცხადა მრავალწლიანი შეთანხმების შესახებ, რომლის მიხედვითაც UEFA-ს ჩემპიონთა ლიგის ოფიციალური ავტომობილის პარტნიორი გახდა. ეს პარტნიორობა ხაზს უსვამს კომპანიის ერთგულებას ევროპული საკლუბო ფეხბურთის უმაღლესი დონისადმი. იგი 2026-2027 წლების სეზონიდან იწყება და 2030-2031 წლების სეზონის ბოლომდე გაგრძელდება.
ფეხბურთი Hyundai-სთვის ნაცნობი სფეროა. თითქმის 30 წელია, კომპანია მხარს უჭერს ამ სპორტს უმაღლეს დონეზე – უდიდესი საერთაშორისო ტურნირებიდან დაწყებული, მსოფლიოს მასშტაბით კლუბებითა და ასოციაციებით დამთავრებული. UEFA-ს ჩემპიონთა ლიგა ამ ვალდებულებას ევროპული საკლუბო ფეხბურთის მწვერვალამდე აფართოებს.
UEFA-ს ჩემპიონთა ლიგასა და Hyundai-ს შორის პარალელები მასშტაბზე ბევრად ღრმაა: ამ ტურნირის გუნდები ტალანტებს მსოფლიოს ყველა კუთხიდან იზიდავენ და ევროპის უმაღლეს დონეზე ეჯიბრებიან ერთმანეთს. Hyundai-ც ეფექტურად იყენებს თავის გლობალურ მასშტაბებს, პარალელურად კი ევროპაში ქმნის ავტომობილებს მთელი კონტინენტისთვის. ეს არის ორი ორგანიზაცია – მკაფიოდ ევროპული ოპერაციებითა და საერთაშორისო გავლენით.
ფეხბურთი თითქმის 30 წელია Hyundai-ს ნაწილია. მას ხალხის გაერთიანება ისე შეუძლია, როგორც თითქმის არაფერს – ენების, საზღვრებისა და თაობების ბარიერის გადალახვით. UEFA-ს ჩემპიონთა ლიგა მსოფლიოში საუკეთესო საკლუბო ფეხბურთია, რომელიც ყოველ კვირას ევროპის ყველაზე გულმხურვალე გულშემატკივრების თვალწინ თამაშდება. ამ ზაფხულს მსოფლიო ჩემპიონატზე Hyundai-ს ჩართულობის შემდეგ, ჩემპიონთა ლიგა იდეალური პლატფორმაა ჩვენი დახვეწილი დიზაინის მქონე ავტომობილების წარმოსაჩენად, იმ ფუნქციებით, რომლებიც ფანებს ასე უყვართ. მე მადრიდიდან ვარ, ამიტომ ამ ტურნირს მთელი ცხოვრება ვადევნებ თვალს. პირადად ჩემთვის ძალიან ამაღელვებელია ევროპელ გულშემატკივრებთან ურთიერთობა. მშვენიერი დროა Hyundai-სთან ერთად ამ ულამაზესი სპორტის აღსანიშნად.
ბრენდის ხედვის – „პროგრესი კაცობრიობისთვის“ (Progress for Humanity) ფარგლებში, Hyundai იღებს ვალდებულებას გააფართოოს შესაძლებლობები და წვლილი შეიტანოს საზოგადოების უფრო ინკლუზიურ მომავალში. UC3-თან (UEFA-სა და ევროპულ საფეხბურთო კლუბების ერთობლივი საწარმო) პარტნიორობის, UEFA-ს ჩემპიონთა ლიგაში ჩართულობისა და Hyundai-ს მობილობის გადაწყვეტილებების მეშვეობით, კომპანია მიზნად ისახავს გააერთიანოს ადამიანები კულტურებსა და თემებს შორის მთელს ევროპაში, დააკავშიროს მილიონობით საფეხბურთო ფანი და ამავდროულად მოიტანოს პოზიტიური სოციალური გავლენა.
UEFA-ს ჩემპიონთა ლიგასა და Hyundai-ს პროგრესი, წარმადობა და ადამიანების გაერთიანების ამბიცია აერთიანებთ. ამ პარტნიორობაში ჩვენი ყველაზე ძლიერი შემადგენლობით შევდივართ. IONIQ 3 პირველია იმ ხუთი ახალი მოდელიდან, რომელსაც ამ სეზონში ევროპაში წარვადგენთ – იგი სპეციალურად ამ რეგიონის მომხმარებლებისთვის შექმნა და განვითარდა, და სწორედ ეს ავტომობილი ლიდერობს ჩვენს მომავალ ხაზს
UEFA-ს ჩემპიონთა ლიგა მსოფლიოში ყველაზე ყურებადი ყოველწლიური საკლუბო საფეხბურთო ტურნირია – მსოფლიო მასშტაბით თითქმის ყოველი მესამე ადამიანი დაინტერესებულია ამ ჩემპიონატით. 36-კლუბიანი ტურნირი იდეალურ პლატფორმას ქმნის ფეხბურთის ფანების უზარმაზარ აუდიტორიასთან დასაკავშირებლად და Hyundai-ს მომავალი მიმართულებების წარმოსაჩენად – რობოტექნიკითა და ფიზიკური ხელოვნური ინტელექტით (Physical AI) დაწყებული, ევროპელ მომხმარებლებზე მორგებული პროგრამული უზრუნველყოფითა და ჭკვიანი მობილობის გადაწყვეტილებებით დამთავრებული.
“ჰიუნდაი” არის გლობალური ბრენდი, რომელსაც ევროპაში 30 წელზე მეტი ხნის განმავლობაში შექმნილი მტკიცე პოზიციები აქვს. მისი ევროპული ტექნიკური ცენტრი რიუსელსჰაიმში (გერმანია) ავტომობილების ინჟინერიასა და განვითარებაზე მუშაობს, ხოლო იმავე ლოკაციაზე განთავსებული ევროპული დიზაინის ცენტრი მათ ვიზუალურ იერსახესა და იდენტობას აყალიბებს.
წარმოება ჩეხეთისა და თურქეთის ქარხნებში მიმდინარეობს, საიდანაც Hyundai-ს ავტომობილები 42 ევროპულ ბაზარზე, 2,000-ზე მეტი გაყიდვებისა და სერვის-ცენტრის მეშვეობით მიეწოდება მომხმარებელს. Hyundai-ს დიზაინის, ინჟინერიის, წარმოებისა და პარტნიორული ქსელი ყოველდღიურად ემსახურება მომხმარებლებსა და ფანებს.
IONIQ 3: Hyundai-ს დებიუტი მოედანზე
სრულად ელექტრონული IONIQ 3, რომელიც ევროპაში და ევროპელი მომხმარებლებისთვის შეიქმნა, Hyundai-ს პირველი განაცხადია ამ პარტნიორობაში. კომპაქტურმა ჰეჩბექმა დებიუტი მიმდინარე წლის დასაწყისში, მილანის დიზაინის კვირეულზე (Milan Design Week) შედგა და პირველი ელექტრომობილი გახდა, რომლის წარმოებაც Hyundai-ს იზმითის (İzmit) ქარხანაში აგვისტოში დაიწყო. ეს არის პირველი იმ ხუთი უმნიშვნელოვანესი ახალი მოდელიდან, რომლებიც Hyundai-ს ევროპაში 2026/27 წლების სეზონში შემოჰყავს.
IONIQ 3-ით Hyundai შედის კომპაქტურ კლასში – ევროპის ყველაზე კონკურენტულ სეგმენტში – თავის კლასში საუკეთესო შესაძლებლობებით, რომლებიც ევროპელი მომხმარებლის მოთხოვნებს სრულად აკმაყოფილებს. IONIQ 3-ის Aero Hatch ტიპოლოგია შეიქმნა უმაღლესი ეფექტურობისა და სვლის მარაგის უზრუნველსაყოფად, რომელსაც აქვს 0.263 Cd აეროდინამიკური წინააღმდეგობის კოეფიციენტი და 497 კმ-მდე სვლის მარაგი (WLTP). 441 ლიტრიანი საბარგულის მოცულობით, კლასში საუკეთესო სალონის სივრცით, სეგმენტში ლიდერი 14.6-დიუმიანი ეკრანით (რომელშიც ინტეგრირებულია Hyundai-ს უახლესი PLEOS Connect საინფორმაციო-სარგობელი სისტემა) და მაღალი ღირებულებით, IONIQ 3 წარმოადგენს Hyundai-ს მისწრაფებას, ელექტრიფიცირებული მობილობა ხელმისაწვდომი გახადოს ევროპელი მომხმარებლისთვის.
IONIQ 3 განთავსებულია იმ სამოდელო რიგში, რომელიც მომხმარებელს სთავაზობს რეალურ არჩევანს ძრავის ტიპების სრულ სპექტრში, Hyundai-ს მოქნილი სტრატეგიის წყალობით: ელექტრო (BEV), ჰიბრიდი (HEV), პლაგ-ინ ჰიბრიდი (PHEV), წყალბადის საწვავის ელემენტზე მომუშავე (FCEV) და შიდა წვის ძრავი (ICE). სამოდელო რიგი სტრუქტურირებულია იმის მიხედვით, თუ როგორ ფლობენ და იყენებენ ადამიანები ავტომობილებს, რაც მაქსიმალურ მოქნილობას უზრუნველყოფს.
IONIQ 3 ეფუძნება Hyundai-ს აღიარებას ევროპის ელექტრომობილების ბაზარზე, რაც დასტურდება მნიშვნელოვანი ჯილდოებით. Hyundai INSTER დასახელდა „2025 წლის მსოფლიო ელექტრომობილად“ (World Electric Vehicle), ხოლო IONIQ 9 გახდა „გერმანიის 2026 წლის პრემიუმ კლასის ავტომობილი“ (Germany’s Premium Car of the Year). ეს მომხმარებელზე ორიენტირებული მიდგომა ქმნის საფუძველს ახლახან გამოცხადებული პარტნიორობისთვის, სადაც Hyundai UEFA-ს ჩემპიონთა ლიგის ოფიციალური ავტომობილის პარტნიორის სტატუსით წარსდგება.
სიხარულით წარმოგიდგენთ “ჰიუნდაის”, როგორც UEFA-ს ჩემპიონთა ლიგის ოფიციალურ პარტნიორს. Hyundai-ს აქვს ფეხბურთის მხარდაჭერის საამაყო ისტორია და მკაფიო რწმენა იმისა, რომ ამ სპორტს ადამიანების გაერთიანების ძალა შესწევს. მოუთმენლად ველოდებით პარტნიორობის დაწყებას, რომელიც მომდევნო წლების განმავლობაში გააცოცხლებს ამ საერთო ამბიციას მთელი მსოფლიოს გულშემატკივრებისთვის
