- IFA-სთან 27-წლიან პარტნიორობაზე დაყრდნობით, Hyundai Motor მხარს დაუჭერს FIFA World Cup 2026™-ს, როგორც მობილობის ოფიციალური პარტნიორი. კომპანია ჩემპიონატის ისტორიაში უპრეცედენტო რაოდენობის ავტოპარკს მობილიზებს, რომელიც 994 სამგზავრო ავტომობილისა და 506 ავტობუსისგან შედგება.
- 2023 წელს პარტნიორობის განახლების შემდეგ, Hyundai Motor, როგორც FIFA-ს რობოტიკის ოფიციალური პარტნიორი, პირველად წარადგენს რობოტებს მსოფლიო ჩემპიონატზე.
- Boston Dynamics-ის ოთხი სპეციალიზებული Spot® რობოტი უზრუნველყოფს ავტონომიურ პატრულირებასა და მონიტორინგს ტურნირის ლოკაციებზე.
სეული, 5 ივნისი, 2026 – Hyundai Motor Company-მ დღეს ოფიციალურად გამოაცხადა FIFA-ს 2026 წლის მსოფლიო ჩემპიონატისთვის მობილობისა და რობოტიკის გადაწყვეტილებების ყველაზე მასშტაბური პროექტის შესახებ, რითაც კიდევ უფრო განამტკიცა FIFA-სთან თავისი 27-წლიანი პარტნიორობა.
როგორც FIFA-ს მრავალწლიანი პარტნიორი, Hyundai Motor აგრძელებს თითქმის 30-წლიანი თანამშრომლობის ტრადიციას და აფართოებს საკუთარ როლს: ტრანსპორტირებასთან ერთად, ის ტურნირის ორგანიზებაში რობოტიკასა და მომავლის ტექნოლოგიებს რთავს. პროექტი განხორციელდება ამერიკის შეერთებული შტატების, კანადისა და მექსიკის 16 მასპინძელ ქალაქში.
2026 წლის ტურნირი ასევე პირველი მნიშვნელოვანი ნაბიჯია Hyundai Motor-ისთვის, როგორც FIFA-ს რობოტიკის ოფიციალური პარტნიორისთვის, რაც კიდევ ერთხელ უსვამს ხაზს კომპანიის ხედვას სმარტ-მობილობისა და ინოვაციების შესახებ გლობალურ ასპარეზზე.
იმ ფონზე, როდესაც FIFA ემზადება ისტორიაში ყველაზე დიდი მსოფლიო ჩემპიონატის მასპინძლობისთვის სამ ქვეყანასა და 16 ქალაქში, ჩვენი 27-წლიანი პარტნიორობა ასახავს საერთო მისწრაფებას სრულყოფილების, ინოვაციებისა და გლობალური თანამშრომლობისკენ. როგორც მობილობისა და რობოტიკის პარტნიორი, Hyundai Motor ამაყობს, რომ მხარს უჭერს ტურნირის საორგანიზაციო პროცესებს შეუფერხებელი ტრანსპორტირებითა და მოწინავე რობოტული გადაწყვეტილებებით, რაც კიდევ უფრო გააუმჯობესებს ღონისძიების საერთო გამოცდილებას.
სუნგვონ ჯი
რამდენად მასშტაბურია Hyundai Motor-ის ავტოპარკი FIFA-ს 2026 წლის მსოფლიო ჩემპიონატისთვის?
ავტოპარკი, რომელიც მოიცავს 994 სამგზავრო ავტომობილსა და 506 ავტობუსს, მოემსახურება ეროვნული ნაკრებების, ოფიციალური პირების, ტურნირის საორგანიზაციო ჯგუფებისა და მედიის წარმომადგენლების გადაადგილებას აშშ-ის, კანადისა და მექსიკის 16 მასპინძელ ქალაქში. ეს უზრუნველყოფს გამართულ ლოგისტიკას და საუკეთესოდ წარმოაჩენს Hyundai Motor-ის შესაძლებლობებს მსხვილმასშტაბიანი მობილობის მიმართულებით.
ავტოპარკი ძირითადად დაკომპლექტდება შემდეგი მოდელებით (ხოლო შერჩეულ მოდელებზე ხელმისაწვდომი იქნება ჰიბრიდული ელექტრომობილების (HEV) ვერსიებიც):
- PALISADE
- SANTA FE
- TUCSON
- SANTA CRUZ
- KONA
- SONATA
- ELANTRA
- CRETA
- CRETA GRAND
- GENESIS GV80
ეს ინოვაციური და მრავალი ჯილდოს მფლობელი ავტოხაზი ხაზს უსვამს Hyundai Motor-ის მობილობის სრულ სპექტრს, რაც გარანტიას იძლევა უსაფრთხო, საიმედო და ეფექტური ტრანსპორტირებისა მსოფლიოს ერთ-ერთ უდიდეს სპორტულ ღონისძიებაზე.
რატომ არის ეს პროექტი მნიშვნელოვანი Hyundai Motor-ის რობოტიკის ხედვისთვის?
FIFA World Cup 2026™ გარდამტეხი მომენტია Hyundai Motor-ის რობოტიკის სტრატეგიაში. ჩემპიონატის ლოკაციებზე Boston Dynamics-ის Spot® რობოტების პირველი ოფიციალური გამოჩენა პირდაპირ ასახავს კომპანიის გაფართოებულ როლს, როგორც FIFA-ს რობოტიკის ოფიციალური პარტნიორის და მის ხედვას სმარტ-მობილობისა და რობოტიკის მომავალზე.
FIFA-ს უსაფრთხოების ოპერაციების მხარდასაჭერად სულ მობილიზებული იქნება ოთხი სპეციალიზებული Spot რობოტი:
- ლოკაციები: საერთაშორისო სამაუწყებლო ცენტრი (International Broadcast Center – დალასი) და ნიუ-იორკ/ნიუ-ჯერსის სტადიონი.
- ფუნქციები:
- ავტონომიური პატრულირება;
- ობიექტების რეალურ დროში მონიტორინგი და ინსპექტირება.
- სისტემა: აღჭურვილია Enterprise Asset Management (EAM) პაკეტით, რომელიც განკუთვნილია ინდუსტრიული ინსპექტირებისა და აქტივების მართვის აპლიკაციებისთვის.
ეს ინტეგრაცია ასახავს Hyundai Motor-ის ფოკუსს რობოტების პრაქტიკულ, მასშტაბურ გამოყენებაზე, რაც ზრდის საოპერაციო ეფექტურობასა და უსაფრთხოებას კომპლექსურ, ხალხმრავალ გარემოში.
Hyundai Motor-ის FIFA-ს 2026 წლის მსოფლიო ჩემპიონატის კამპანიის, „Next Starts Now“-ის შესახებ დამატებითი ინფორმაციისთვის ეწვიეთ Hyundai Motor-ის ბრენდ-ჟურნალის ოფიციალურ სტატიას.
შენიშვნა: წარმოდგენილი ფოტოები, გარდა Spot-ის დამოუკიდებელი სურათისა, გენერირებულია ხელოვნური ინტელექტის (AI) მიერ საილუსტრაციო მიზნებისთვის და შესაძლოა ზუსტად არ ასახავდეს რეალურ სცენებს, პროდუქტებს ან გარემოს.
