„ჰიუნდაი ავტო საქართველოსა“ და იაპონური საბრძოლო ხელოვნების, ოკინავურიგოჯუ-რიუკარატედოს ფედერაციას შორის პარტნიორული ურთიერთთანამშრომლობა დაიწყო. პარტნიორობის ფარგლებში,„ჰიუნდაი ავტო საქართველო“ ქართველ სპორტსმენებს, რომლებიც გოჯუ-რიუს მსოფლიო ჩემპიონატზე ასპარეზობენ, სპონსორობას გაუწევს. ამავდროულად, კომპანია თბილისში საბრძოლო ხელოვნების ამ სახეობის აკადემიის მშენებლობასაც დააფინანსებს.
გოჯუ-რიუს მსოფლიო ჩემპიონატი მიმდინარე წლის 11-12 მაისს, პოლონეთის ქალაქ შცენინში იმართება და მასში 9 ქართველი მონაწილეობს. მათ შორის ყველაზე უმცროსი — 10 წლის, ყველაზე უფროსი კი 25 წლისაა.
პოპულარული ოკინივური გოჯუ-რიუ კარატეს ისტორია საქართველოში 1990 წლიდან იწყება. გლობალურად ფედერაცია 1000-მდე ჩემპიონს აერთიანებს, რომელთა შორის ქართველი სპორტსმენებიც არიან. გოჯუ-რიუს სპონსორობა ჰიუნდაი ავტო საქართველოსთვის აღმოსავლური ორთაბრძოლების მიმართულებით გადადგმული პირველი ნაბიჯია. ის ხელს შეუწყობს კომპანიის ერთ-ერთი მნიშვნელოვანი პრიორიტეტის — ბავშვებსა და ახალგაზრდებშისწორი ღირებულებებისა და ჯანსაღი ცხოვრების წესის პოპულარიზაციას.
